مازلنا في المسجات وانشاء الله يعجبنكم

حتى والنوم أمدهشني تخطر ديمه يا واحشني

قيسك ياعيني مسحوره ننهى فيك وتمشي شوره

غلاكم عندي موش اشوي وحق الحي بعدكم مانبي شي

اثنين قاسمات الكبد غلاك ياعزيز وغيبتك

ياالعزيز اعزق مافيدك قرب جاي الروح اتريدك

كلام أمصوقر موش أقطاف علي أتعزو ياالولاف

ساعة اخروج الروح هضاك وين ياغوالي تنتسو

غيابك ياالعزيز علي بعذرك ولا تمكر في

إيريح روحه يشرب من البحر ولايفجر روحه اللي ماعرف أزويلك إيريح روحه

العين رايفت والتغطيه تعبانه انطول الغوالي كيف يا ليبيانا

لا يغفل ولا ينساك العقل ياعزيز دوم جابدك

لاريش ولا جنحان بيش انطيرو وامرايف عليك وايش إنديرو

نسهى ونقسى إندير روحي ناسي نلقاك وسط النبض وبين انفاسي

أمغير تبقى راضي انسيب الدوا ويبرن جميع أمراضي إلاجفاك مانحمله

خايف إيسير اعباده غلاك اللي سطا علي القلب نين تمادا يارب سترك

لو حسيت بالم في رجليك ماتستغربش هضا من كثر ماأتجي وتمشي علي بالي

يا قلبي وسعلي بالك مامن حاله أصعب من حالك

كبدي والريه وأجنابي ذايب ذوب علي غيابي

تحسابني بلاك أنحمل عقلك عطيب ياصاحب الغلا

ياجميل الروح يبرن علي حسك اكبار اجروح يابال شوفتك

ياالولاف علي أغليتو قطعه من كبدي تميتو

ميت فيك الله يرحمني ياظالمني حتى من نومي حارمني

ننساهم وانقوله انسيت يسرح العقل نلقاه عندهم

يانوم كيف الراي لاجيت ولا جبت العزيز أحذاي والليل أمطوله

أنعزك معزه ربنا عالمها لاريح ولاموج البحر يهدمها

كل خيال أنقول اولافي خايل في الاوهام أريافي

كل الكلام اشوي في وصفك يا العزيز علي لو كان نكتبه

رن وسكر في قلب مايحمل بلاك وفيك إيفكر ماتخاف نفتح عليك رن وسكر

وين ماكبدنا خلانا العزيز في الاوهام وحدنا خيبرجانا فيه وين ماكبدنا

حيلك حيلك القلب والعقل والروح ماممنوعيلك ذايبات فب طيف ازويلك

يا ريتك يانوم اتجينل واتجيب معاك غوالينا

وين ما أتغيبو مده حال غايتي ناخذ نفس ماانرده لين ترجعو

العقل في افراش الموت تعال ياسبب داه وساوله

تنهيده اتشق الصدر اعزاز وين عالبال يخطرو

ياالولاف انجيكم سرقه كلا من كبدي المنحرقه

اصحي من الدنيا تلعب بيك وتنسي يا عين غواليك

فى يوم قاعد والبحر قدامى سارح انفكر فى هموم ايامى
خليت دمعه سايله حيرانه شارد بدهنى والبحر فى حاله
تخبط الموجه العين ما اتسيبها حتى اتوارى فى البحر مسكنها
راجعت فكرى بكل لحضه مرت مالقيت ذكره اتسرنى اتفرحنى
يا ناس قولو ليش الهنى امسيبنى فرج بحالى الله يا مولايا
اشكيت همى للعزيز خلانى والعين جفت والدمع يخساره
فى يوم قاعد والبحر قدامى روحت نجرى ليوم نرجع تانى

-1-
مـا يوجعـك جـرح الغـريـب تـنـسـاهـا والا تـــــرده
اللـي يوجعـك جـرح الحبيـب وقـسـوة مـلامـه وصـــده
والدنـيـا ايقـولـوا مكاتـيـب مـرات يسـر مــرات شــده
وماعـيـب خـاطـي العـيـب وخونـت اصـحـاب الـمـوده
---------------
-2-
بُعد الخطا بيناتنا ماباعدك من بالي مازلت فالخاطـر عزيـز وغالـي
حـتــى بـقــل سـوالــك اشـتـقـنـا وحـنـيـنـالـك
كيـف قـبـل لـيـك مكـانـه طـيـفـك رفـيــق مـعـانـا
ومــازال قــدرك عـالـي
-----------------
-3-
العيـن فالشقـا مــن يومـهـا مـطـاول سـريـب اهمومـهـا
عذبـهـا رفـيـق الـصــوب ومـابـت عـلـيـه اتـــوب
تـقـول فالغـطـا مـكـتـو بيخطـر عزيـز ساعـة نومهـا
----------------
-4-
اصحاب المعالـي والمقـام كبيـر غايبين وانشا الله المانـع خيـر
لاراســلــوا لا طــلـــو زعـم مــن رفقـنـا مـلـوا
ماهـمـش كـيــف الـغـيـر اصـحـاب المـقـام كـبـيـر
--------------
-5-
مـن قـالـك تخـطـر عـلـيمـا فـيـه يـــوم ذكـرتــك
ولا يــوم لـــك حـنـيـت لاعــــبــــرتـــــك
ولاجـبـت مــرة سـيـرتـك ولاشاغلـتـنـي حـيـرتــك
ولاجال طيفك في خيال احلامي
ولاسهرت لاشاكيت فيك ايامي
من قبل لاتزعل جميع كلامـي
اللي فات خوذه عكس ماخبرتك


صـبـاح الـغـلا والـشــوق والـــــود والـحـنـيــة
عـلـي باهـيـيـن الـــذوق عـلــي طيـبـيـن الـنـيـة

---------------

جيابة الخبر قالو انـك ناسينـي رديت ماعمـره عزيـز ايديرهـا
حتى ولو شفت الخبـر وبعينـي مانصدقه ونقول عينـي خيرهـا
---------
-8-
ابعثـلـي حـتــى مـرســال فـي وطـن الشـوق ايصبرنـي
مــادام اغـيـابـك مـــازال طـمـن قلـبـي ياهـاجـرنـي
يكفيـنـي حارمـنـي شـوفـك ماتبـخـل حـتـى بـحـروفـك
ديـمـا تـسـبـل بـظـروفـك نــاوي عالفـرقـة تجبـرنـي
-----------
-9-
ابــعـــث مـراسـيـلــك ماتغيب عني دزلي احكي وممنوعيلك
بحـلـو الرسـايـل ودنـــي حنـيـتـلـك مـاتــردنــي
وقــــول افمـقـاويـلـك
رايـفـت والـدمـع العـصـي غــطـــى مـنـاديـلــك
---------
-10-
طـولـت فالجـيـة اشتقنـالـك زعم نخطروا ديمـا علـي بالـك
وانــت بـعـيـد افـكـارنـا كـــل يـــوم تـرحـلـلـك
وانــت بـعـيـد ازهـارنــا تـنـشـد عـلــي ظــلــك
مالـبـعـد مـــا مـلـيــتو لـلّــه عـلـيـه خـذيــت
صــابـــر هـنـيــالــك اشــتــقـــنـــالـــك
----
-11-
مـاهـو غـريــب عـلـيـك اتهون قلب كامي لوعتك دافنهـا
ومـاهـو غـريـب عـلـيـك تنسى اعيـون اريافهـا جننهـا
تــروم غيـرنـا مـعـشـوق وتصـيـف ربـيـع الـشـوق
هذي اتديرها وتدير اكبر منها
----------------
إيجيلك يوم وحق الله أتريد سموحي ماتلقاه

يامرهون نفديك بروحي ببكاي وتسطير أجروحي

إغيابك داير جو قلق النوم سرق وجيج انكان اتريد الحق

مشكور على مسجاتك الحلوه يا بوبكر
تقبل مروري

شكرا لمروركم الكريم

مشكور يا خوي..وتقبل مروري ولك مني اجمل تحيه

مرحبا حسر المحبة مشكور لمرورك

مسجات صقع بجد والأحلى انها باللهجة الشرقاوية مشكورررررر

اااااحلى سلام ليك تقبل مروووري